世上住得最高嘅爬蟲類: 樹鬣蜥 Liolaemus lizards
2010年10月，動物學家 José Cerdeña 於秘魯安第斯山脈5,400米高之地方，發現上面呢條「樹鬣蜥 」(Liolaemus lizards)。專家話，呢條蜥蜴打破由西藏高原「蟾蜍頭蜥」保持嘅5,300米舊紀錄，成為全球住得最高嘅爬蟲類動物。
由於爬蟲類普遍係冷血動物，對氣溫相當敏感，所以非不得已，佢哋都唔會搬上高山居住。專家相信，呢次樹鬣蜥爬上高山生活，意味地球氣溫變暖，動物為求生存都要集體移民。
科羅拉多洛磯山脈
美國洛基山脈的大數據
無獨有偶，最近美國多間大學聯合進行一項研究，發現科羅拉多洛磯山脈大多數哺乳類動物，都搬咗上較高海拔居住。
研究採用北美幾十間博物館收集返嚟嘅動物骸骨，當中揀選47種唔同品種嘅哺乳類動物，以了解佢哋過去40年嘅生活情況。結果發現:
----- 廣告 Ad -----
- 26種哺乳類向高海拔地區遷徙
- 11種哺乳類向下遷徙
- 6種維持不變
呢種叫 masked shrew 嘅鼩鼱科嘅動物，幾十年來生活地點上升咗4500呎 (約1300米)
高海拔地區無論空氣含氧量，天氣情況，以至食物供應，大多數情況都比低海拔地區惡劣。所以，動物搬去高海拔地區生活，相信係為咗要避開低海拔嘅「酷熱」天氣。
專家補充，佢哋發現有4個物種已經無喺科羅拉多洛磯山脈生活，提醒大家如果唔再阻止地球暖化，會有更多物種喺世界上消失。
資料: Science News、Science America
永誠
講求綠色、環保、天然的健康生活。推廣新一代健康生活文化。