對抗疫症，其中一項最有效嘅方法，就係同人保持適當社交距離。不過，大多數戶外進行嘅球類運動都係一班人玩，疫情之下想打波選擇唔多，其中一項就係高爾夫球。
唔少韓國高爾夫球職業球手，喺國際比賽攞到好成績，令高球大大普及。而呢幾個月，疫情更令大家避免集體運動，亦唔可以出國旅行，所以國內高爾夫旅遊需求突然大增。
韓國嘅高爾夫渡假村
旅遊人數上升300%
根據韓國本土旅行社統計，6月份國內高爾夫旅行團報名人數，比去年同期上升300%。如果加埋自由行旅客，人數肯定相當可觀。而南韓5大高爾夫球場預訂率，亦比去年增加110%，例如最熱門嘅平昌鳳凰公寓，客房一早爆滿，訂房率上升125%。
武漢肺炎呢場瘟疫，唔知會唔會令韓國創造更多美女球手?
----- 廣告 Ad -----
韓國高爾夫新星柳賢朱 (Hyun Ju Yoo)
資料: Korea Herald
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。