一般理論話，人唔食嘢生存唔到七日，唔飲水過唔到三日，雖然呢個講法好籠統，但呢兩位澳洲男子缺水四日仲生存到，都算係奇蹟。
無人區汽車拋錨
澳洲21歲男子 Shaun 同佢14歲朋友 Mahesh，揸車穿越澳洲中部。點知去到 Northern Territory outback，汽車死火拋錨。佢哋喺汽車度過一晚，希望第二日有人經過。
可惜事與願違，因為嗰到係無人區，莫講話人，動物都唔多隻。於是，佢哋計劃徒步5公里去公路求救，不過起步無耐，已經發現行錯方向，誤打誤撞之下，又好好彩畀佢哋搵到水源，並喺水源露宿一晚。
警方向記者話，14歲嘅 Mahesh 唔知咩原因，之後單獨行動，沿住一個農場圍欄，用兩日時間行咗35公里，被當地人發現報警。警方根據 Mahesh 提供嘅線索，喺第二日搵到 Shaun，兩人都無受大礙。
----- 廣告 Ad -----
獲救二人，身體虛弱，但精神良好。
留低比走動更安全
警方表示，Shaun 同 Mehesh 多日都處於缺水狀態，最長一位足足有4日無飲過水。呢次佢哋可以安然無恙，簡直係奇躀。
有專家話，Shaun 喺曠野之中壞車，最安全嘅做法係留喺車上面等待救援。車嘅面積較大，喺野外係明顯目標。此外，就算帶備嘅物質不足，汽車亦有好多物件可以用作救生，如焚燒車呔等。
資料: BBC
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。