呢條係品牌 RAYPOSE 出品嘅瑜伽褲，Amazon 賣緊13.99至23.99美金 (約港幣$108至$186)，最近成為網絡熱門話題。條褲好唔好著，夠唔夠潮見仁見智，不過佢嘅質量一定無得頂，因為經過用家好嚴格嘅人肉測試。
話說有位叫 Cory 嘅用家，今年7月買咗呢條褲，仲著住去行山。Cory 落山既無技術又無體能，只能成個人瞓係大石上面慢慢跣落去，最後安全抵埗。而令佢最感恩嘅，就係佢著住嗰條瑜伽褲竟然無穿無爛。
----- 廣告 Ad -----
Cory 將呢個經過，貼咗去 Amazon 嘅用家評論，令呢條瑜伽褲瞬即爆紅。有人話，如果連 Cory 咁嘅身型都無事，咁質量一定係OK。有人更加模仿 Cory 實地測試，話真係無得頂。
資料: ladbible
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。