渣馬跑完都未夠三個月，但有跑友嘅獎牌竟然已出現生銹跡象，雖則話獎牌係身外之物，跑步講求過程，成績係其次。但見到辛苦得來嘅戰利品落得如此下場，都咪話唔肉赤。(見下圖)
唔夠三個月，渣馬獎牌已經生銹。
金屬獎牌保養方法：
- 獎牌不宜經常用手觸摸，因手汗屬酸性，會侵蝕獎牌表面，容易氧化。要欣賞獎牌，可戴手套，或隔住玻璃睇，又或用筷子夾住嚟睇
- 獎牌應放喺空氣流通，而又乾爽、整潔嘅地方（千祈唔好放喺廚房廁所），亦要經常抹走灰塵。
- 當然，亦可放入防潮箱，一了百了。
如果獎牌不幸地已經生銹，首先試下用軟布輕輕抹下。銹跡唔甩的話，我會勸大家唔好理，當係獎牌嘅戰績。有人教用牙膏甚至洗銅膏抺，不過呢一類比賽獎牌成份不明，恐怕洗得過份乾淨……
更多：
自製Sports Snacks 口味任你揀
永誠其他文章
Fitz生活文章
----- 廣告 Ad -----
永誠
講求綠色、環保、天然的健康生活。推廣新一代健康生活文化。