不要再說了.jpg，香港打工仔真係命苦。十號風球落波，周街冧樹都要趕住返工。呢兩日黑幫襲擊新界，戲院關門，戲院主管要扣員工嘅年假。反觀日本，有關當局因應明年東京奧運交通負荷太嚴重，計劃實施「遙距返工」Telework Days 安排。
日本官方估計，喺明年7月至9月奧運會期間，有多達650,000旅客到訪東京觀賞運動會，已經作出相應部署。佢哋聯同東京超過3,000大中小企業，研究喺呢段期間實施「遙距返工」安排。到時預計有600,000名員工會留喺屋企，利用電子通訊及互聯網維持正常工作。參與計劃嘅企業有富士、豐田及NEC等巨企。
----- 廣告 Ad -----
其實，「遙距返工」對日本人嚟講唔係新鮮事。日本政府為紓緩打工仔女返工壓力，每年都會安排部份企業叫員工留喺屋企做嘢。據講，喺留喺屋企做嘢嘅員工，工作質量並無下跌。而東京奧運呢次咁大規模實施，正可以檢視返工嘅必要性。
不過，香港人「扮工」多過「辦公」，所以返工係好必要嘅，阿門。
資料: 英國衛報
Fitz連結: https://fitz.hk/?p=123279
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。