揀食物唔係剩係睇包裝，仲要了解食物嘅營養成份。知道有咩成份之餘，仲要了解對身體影響。
1. 早餐粟米片
市面上大多數粟米片，都標明係低脂(Low-fat)、全穀物（whole gain），但事實上，越多呢一類描述，佢為咗要維持原有味道，就需要加入更多添加成份。其中不可缺少嘅係糖，以及精煉的碳水化合物（refined carbs）。呢兩種成份，直接能迅速提升血糖指數。而晨早流流，一下將血糖升高，影響身體運作，令身體要食更多糖，否則人會感到疲倦。而糖份，其實亦係西方社會致肥嘅主要兇手。
2. 全麥麵包
喺超級市場呢一類所謂全麥食品（whole wheat food），大多數係由經加工的穀物製成，屬於refined carbs，令血糖提升。而且全麥麵包標榜嘅高纖維，其實對人身嘅幫助，完全唔及一個蘋果。
3. 燕麥條
燕麥本身當然對身體有益，不過大家購買到嘅燕麥條，當中加入堅果或花生等成份，佢哋以油炸加工，容易致肥。而燕麥條亦有大量糖，實不宜多食。
----- 廣告 Ad -----
4. 低脂乳酪
首先要指出，所謂高脂嘅飲食習慣，並無證據係致肥元兇，而最新嘅研究亦指出，反式脂肪對身體未必有壞影響。至於低脂乳酪，生產商為咗要維持良好口味，就會加入人工甜味劑（artificial sweetener），以及果糖。而呢啲嘢又係會提升血糖。
5. 現成沙律醬
沙律嘅蔬菜生果固然令身體健康，但如果加入市面買到嘅沙律醬，就當堂打晒折扣。因為呢啲沙律醬，加入大量果糖、豆油、人工色素等垃圾元素，唔單止影響健康，仲其實係高卡路里。
6. 天然果汁
呢到講緊嘅唔係便利店買到嘅人造果汁，而係用果汁機搾出嚟嘅天然果汁。係，佢哋一樣唔健康！原因係搾果汁嘅過程裏面，生果嘅纖維受到破壞，所以果汁裏面嘅果糖，就毫無阻擋被身體吸收，身體嘅血糖又會突然提升。無故提升血糖，對身體長遠有嚴重影響，例如糖尿病。最健康嘅方法，就成個生果就咁食，既方便又健康。
7. 無糖汽水
而家啲汽水標榜無糖、零卡路里，但最近有研究發現，製造呢啲汽水嘅人造甜味劑（artificial sweetener），會提升人嘅食慾。所以，越飲得多呢啲汽水，就會食得越多嘢。撇除呢啲代糖對人體嘅壞影響，單係越食越多呢條罪，係咪要即刻戒絕佢哋呢？
8. 混合果仁
市面上一包包，有齊花生、杏仁、腰果等堅果，再溝埋青豆、提子乾、藍莓乾、松子等雜豆乾果，以健康食品為賣點，但其實暗藏垃圾。先講乾果，提子乾、藍莓乾等經過加工處理，將果糖濃縮，糖份甚高。而進食者混合與堅果、雜豆呢啲帶鹹嘅食物一齊，會沖淡乾果甜味，因而越食越多。
其實仲有幾種香港唔多常見嘅減肥食品，都含有影響人體健康嘅成份，亦會令人致肥。呢款食品係：龍舌蘭糖漿、有機加工食品，以及無麩質食品，總之佢哋唔可以幫你減肥，仲會破壞你嘅身體。
----- 廣告 Ad -----
資料：authoritynutrition.com
更多：
Fitz.hk Facebook專頁
5種需要推翻的飲食常識
[素食食譜] 用電飯煲煮義大利麵
Fitz Life 生活
