中國重慶市日前有野生猴子走入村莊，將一名3歲女童強行拖走。當時媽媽喺屋企煮緊飯，女童喺門口玩緊，突然有隻馬騮靜靜走近，仲跳上女童身上將佢撲倒，並強行拖走。幸好鄰居目擊事件，由馬騮手上搶返女童，不過女童塊臉就被抓傷。
當地官員話，由於村莊位處山區，不時有野猴入村生事，早前亦有老人被猴子襲擊。官員話，佢哋會派人巡邏，驅趕走近村落嘅野生動物。
呢單大陸新聞，令人不期然諗到香港郊野嘅馬騮。早前復活節長假，有家長就帶埋小朋友去金山餵馬騮。點知馬騮媽媽護子心切，突然推跌小朋友，家長最後發狂同馬騮展開追逐戰。
正所謂野性難馴，無論任何時候，人類同野生動物都應該保持距離。
----- 廣告 Ad -----
資料: 騰訊網
