政府新一輪防疫措施，開放戶外康體場地，但又維持無論室內外都要戴口罩，唔少市民覺得呢兩項政策甚為矛盾。4月24日有記者於疫情發佈會上，問及「戴口罩進行劇烈運動」會唔會構成呼吸問題，專家答案令唔少人失笑。
記者問: 戴口罩做劇烈運動，會唔會構成呼吸問題?
衞生防護中心傳染病處首席醫生歐家榮:「任何情況下除口罩都會增加傳播風險，所以喺公眾地方，無論係室內同戶外都建議市民戴口罩。」
醫管局總行政經理何婉霞醫生:「每人體能唔同，如果做運動時講唔出一句完整句子，就應該要減低運動量，仲要鍛鍊好條氣。」
科學研究: 口罩沾濕後會影響呼吸
2021年，有醫學團隊針對戴口罩與運動表現進行研究，結果發現佩戴口罩時:
- 總運動時間 (至力竭) 減少14%，最大攝氧量 (VO2 Max) 下降 29%
- 血含氧量 (SpO2) 、呼吸困難 (dyspnoea) 和自覺竭力程度 (RPE) 數值亦有顯著差異
政府，戴住口罩做運動，覺得表現唔好，應該要減少運動量，同埋要「練好條氣」。不過，科學研究亦指出，運動時汗水會沾濕口罩，會大大影響口罩的透氣能力，所以做運動時戴口罩對體能稍差者，或長期病患者都有風險。呢一點，無論係政府官員，以至鍾意運動員嘅市民，都應該要留意。
(參考: 《運動科學．佩戴口罩運動對身體的影響》)
新聞來源: 獨立媒體
最update運動資訊
