廿句焫㷫香港 backpacker 的話。

  1. 我背包遊時間多L過你多多聲,但是我從來沒有想過要找政府幫手,食得鹹魚抵得渴,正如解放軍講, 後果自負。
  2. 去旅行去到咁L盡興,咁就不要輸打贏要。無得救的公主癌。
  3. 唔L捱得就唔好學人背包遊啦! 港孩。
  4. 你俾三蚊美金咋,你想 hostel 畀咩你做早餐呀,唔俾餿你食咪已經偷笑囉。想食好西,住四季啦,冚家剷。
  5. 也許XX的護照不能讓你去到世界上的任何一個地方,但是XX的護照可以把你從世界上任何一個地方帶回來。
  6. 可唔可以幫我買四五百個口罩同一二百細支裝精液 (消毒酒精搓手液的aka) 呀? 唔使特登搵, 見到就見到,見唔到就算。
  7. 港孩,咁L容易整親架。咁唔L識照顧自己,下次帶L埋你老母去 backpack 啦,冚家剷。
  8. 港女,樣樣都要人招呼同遷就,下次帶L埋你隻兵去 backpack 啦,仆街。
  9. 明知疫症大爆發仲要去旅行,唔去旅行會死架? 依家要滯留或者大吉利是客死異鄉,呢啲咪抵L死囉。(但講這句話的人自己就喺疫症期間有旅行社贊助去了十鳩幾次旅行)
  10. 抵你俾人搶,帶咁L多 cash 喺身,你估你去投資呀?!
  11. 唔見咗咪算L數囉,張 SD card 入面啲嘢好緊要架?
  12. 食買玩就食買玩啦,扮乜L嘢深度遊吖!
  13. 喺佢 Facebook 留言「條駝羊毛圍巾使L咁貴咩,上次我去玻利維亞時,十分一價錢買到。你俾人呃咗。」
  14. 「Hong Kong is China。」當地人同你說。
  15. 你地就係姓賴。
  16. 唔好再喺 Facebook 度求救啦。單拖去得旅行,就係要走出舒適區。預咗要一個人獨自去面對旅途中一切問題,克服一道一道難關。正所謂貧苦不怨父母,疫症不怪領導。無法怨天尤人,Backpacking就如人生教練,克難旅途不會因為你的性別或年紀而變得輕鬆。
  17. 又要呃 Like,又要戴頭盔。
  18. 冇錢就唔好學人去旅行,冇錢? 你唔L識碌卡架。
  19. 俾條文盲話「自作業,呢啲咪叫做抵L死囉。」(字都寫錯,係「孽」呀)
  20. 條路自己揀,仆街唔好喊。年輕同任性不是藉口。

首先題目是來自邵子風 (Dean Siu) 的。整件事孰是孰非,網上已經有很多 fact-checked 和討論,大家都應該睇得好清楚,自行判推斷吧。

在這個別事件上,我會叫明生「你去含…..啦! 不要含血噴人。」


文章為作者意見,不代表Fitz立場。

歡迎投稿: http://fitz.hk/contribute/

陳伯 Yiu Kwong Chan
愛跑步同港式抵死廣東潮語,sub-4是終身志業,希望以文章和跑步結識朋友。