富士山 Subaru Line 圖: 網上圖片
自疫症爆發後，山梨縣與靜岡縣全面封閉富士山。個幾月之後，山梨縣決定開放富士「速巴路線」Subaru Line 至「5合目」一段道路。
4月29日開，當局因應中央政府防疫措施，以「緊急維修」名義，封閉5條通往富士山道路。至6月15日，山梨縣防疫措施解除，呢條通往富士山嘅道路亦同時開放，旅客可自駕沿呢條路上到富士山五合目。
不過，大家要留意嘅係:
- 呢次只係開放行車道路，車輛去到五合目後，旅客係唔可以上山，而上山嘅道路亦設有關閘
- 東京地區現時尚未解除防疫禁令，所以由東京前往車輛，仍然唔可以進入山梨縣
- 早前有關當局已宣佈，富士山所有登山路線，今年內維持封閉
五合目風景 圖: 網上圖片
道路開通後第一朝，已經有旅客駕車上山，佢哋表示雖然未可以上到山頂，但去到五合目睇下風景，已經覺得好滿足。
----- 廣告 Ad -----
資料: 山梨日日新聞社
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。