大陸嘅大學飯堂充斥劣食，時有所聞。過去有飯堂推「泡椒芒果」、「水果燉雞」及「油酥甘蔗」，聽到都想作嘔。而山東大學飯堂派畀學生嘅月餅，更被評為「劣食之冠」，因為月餅嘅堅硬度有100%，想食都食唔到。
飯堂為求控制成本，維持平價學生餐，學生忍得就忍。不過山東呢間大學為咗應節，呢兩年都會向學生派月餅。最出名就係「夠硬淨」，今年嘅學生就爭相拍片，測試月餅硬度。
佢哋用月餅嚟開合桃、耷釘，全部無問題，最後有人用鐵槌試圖將月餅打爛，鐵槌亦無佢符 (短片)。學生想食嘅話，唯有用熱水浸淋先放得入口。
大學飯堂拍片解釋，話佢哋係山東人，未掌握廣式月餅做法，又話時間倉促，月餅未夠時間「放油」。不過咁多年嚟嘅月餅都咁硬，絕對唔係一時製作上出錯，佢哋解釋應該無咩人會接受。
資料: 自由時報
----- 廣告 Ad -----
