巴基斯坦與印度接壤嘅邊境
「問世間情為何物，直教生死相許」。巴基斯坦21歲男子 Mohammed Amir，10個月前網上結識印度女大學生，兩人情投意合，決定拉埋天窗。於是，Mohammed 計劃由巴基斯坦去孟買，同「未婚妻」初次見面。
不過，Mohammed 家境清貧，無能力坐飛機，兼兩國關係緊張加埋疫情，Mohammed 要申請簽證去印度一啲都唔容易。結果佢把心一橫，計劃由巴基斯坦 Punjab 出發，越過印度北部邊界，徒步1300公里到印度孟買。Mohammed 差唔多身無分文，只係諗住見步行步。
Mohammed 行咗40公里，跨越印巴邊界不久，就被印度警方發現，仲被控以非法入侵罪名逮捕。好彩 Mohammed 身上除咗些少巴基斯坦貨幣，並無任何武器。警察亦相信 Mohammed 講法，透過孟買警察局，幫 Mohammed 搵佢嘅「女友」。
孟買街頭
----- 廣告 Ad -----
好可惜，同絕大多數「網上情緣」嘅詐騙案一樣，孟買警察根據 Mohammed 提供嘅地址，搵唔到佢嘅情人。而且，分分鐘同 Mohammed 傾咗10個月嘅「女大學生」，係由麻甩佬扮演。
不過，Mohammed 被印度警察遣返，佢亦不能親身查證了。
資料: Times of India
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。