香港人冇得去旅行唯有假日走去離島，我都是一樣。去了幾次長洲和大嶼山，只係不斷的迫車迫船，大家根據情報個個蜂擁到不同特色小店、食肆打卡，爭相霸位排隊又排隊，嘈雜嘅人聲，根本冇感覺到離島獨有嘅清靜怡人。😪
經朋友介紹，有兩個女仔開了個「小島療癒日特别場」，其中一位女仔是住在坪洲的。行程係: 導賞遊、包午餐、包瑜伽練習、包頌砵静心等等……最吸引我就係可以坐喺沙灘旁嘅小屋享受海浪聲，又有人安排晒一日行程，又唔洗同人逼去餐廳食飯。以我呢種港女，唔使同人逼住曬坐喺沙灘，可以坐喺露台望住個沙灘，聽住海浪聲，就真係冇諗過香港嘅離島遊都可以咁爽! 🤣🤣🤣
一見有得報名，我同朋友立即報，結果都要等一個月後先有得體驗! 😪
----- 廣告 Ad -----
到了當天，我同朋友朝早10點幾已到達坪洲。有個個子細小嘅女仔叫 Nicole 已經喺度等緊我地。當天連我同朋友共四人參與，Nicole 由碼頭開始沿途解釋坪洲嘅風土人情，有乜特色小店，遊客打卡熱點等。
我人生應該第一次去坪洲，覺得呢到同長洲好大分別。坪洲唔似旅遊區，冇太多特色小店同打卡熱點，畀我一個好平靜和諧嘅感覺。但如果我自己嚟玩，我估半日都已經好夠…… 老實講我仲會覺得悶😅。Nicole 同我哋講呢到嘅的居民好純樸有禮，大家迎面會打招呼，鄰社關係好好。
邊行邊講終於到達 Nicole 嘅居所， 一開門我哋四個女仔O晒咀 — 嘩! 嘩! 嘩! 落地大玻璃，成個大海已經喺面前，仲聽到好大聲海浪聲，猶如已在沙灘中。呢到終於俾我有個離開石屎森林嘅感覺! 我有啲回憶番自己十六七歲時同一班朋友去大嶼山度假屋玩樂嘅日子。😭😭😭
飲茶
另一導師叫 Janice 已經為我哋打點一切，佢哋真係好細心，明白一早起身搭船入坪洲，大家仍然唔多清醒 🤣🤣，所以先來一頌砵療癒 (唔知係乜嘅話，就當係播大然自嘅聲音)，我就最開心因為又唔洗郁🤭，只係攤係度聽音樂咁樣，仲有強勁嘅海浪聲伴奏。我哋當中有人訓著覺咗，有人陶醉於聲音之中。最大得益係做完後個個精神哂，充滿力量🤭
飲茶時間到啦! 真係好輕鬆。過程中 Nicole 同 Janice 介紹一下自己，點解開辦呢個一日遊? 點解要叫做療癒日? 一路品嚐佢哋精心炮製的花茶，大家一路提出好多問題。尤其是我一定問一個女仔係度住驚唔驚？🤭🤣🤣
----- 廣告 Ad -----
瑜伽
休息完我地就開始瑜伽練習啦。Nicole 和 Janice 是瑜伽教練，今次由 Janice 負責教導我地瑜伽，Nicole 就負責準備我地嘅午餐。
雖然我麻麻地鍾意做瑜伽，但對住呢個海景冇理由唔跟足去做，少女心又出現 🤣🤣🤣。Janice 導師優美嘅瑜伽姿勢好似貼左落去個海景到，突然都覺得自己勁咗，扮野都要堅持下去。一做就知自己啲啲根硬啲，拉得唔夠多所以痛到飛起。😭😭 做完出現了一身汗，再拉番鬆啲根骼舒服晒! 👏👏👏
生活禪
做完運動梗係又到食飯時間啦! 😋😋😋今次比我預期有少少特別，原來 Nicole 是一個禪修人士，在食飯前他簡單介紹什麼是生活禪，畀我哋一齊合作去準備呢次午餐! 👍👍
吓! 原來咁簡單就係禪! 失敬失敬🙏🤣🤣
準備過程中大家負責不同工作，我最深刻就係其中一位朋友負責上天台淋花，當大家分享過程中的得著時，佢形容: 一上到天台望著海景同藍天，微風下睇住栽種嘅植物，突然想起已故的爺爺! 回想起爺爺都好鍾意栽種，回憶起兒時爺爺嗰種專注照顧盆栽嘅情境！突然清醒咗很多，心胸開廣咗! 對現世要面對嘅一啲生活問題，忽然有咗一個新嘅思維，世界之大其實無乜嘢! 會好好面對!
實在太感動! 😭😭😭
當然亦有其他參與者從 Nicole 嘅分享中得到啟發 (多到不能盡錄🤭)
只能吃素
我當然感恩啦! 諗住入坪洲只係脫離煩囂，從冇想過會令自己對生活有多大的反思! 感恩感恩🙏🙏🙏
忘記提及午餐係素食餐，但非常美味同一定吃得飽🤫🤭 我都是半個素食者我完全覺得好好味! 朋友一向食開肉，都覺得原來冇肉食亦可以飽肚同有滿足感，佢極之享受 👏😋👍
----- 廣告 Ad -----
獨處時光
好戲在後頭，下午過後每個人都享有一個鐘同導師單獨相處。因為我哋四個人，所以兩個人會獲得其中一位導師的指導。咩服務呢? 邊一位導師? 全都係佢哋一早安排好。
當兩位導師幫其中兩人服務時，另外兩人就可以自行上天台聽海浪、睇書或喺沙灘上休息。
好彩我同朋友都係第二輪，結果我哋兩個人喺坪洲搵到間 coffee shop 嘆下冷氣傾咗成個鐘，我哋仲研究單對單會做呢乜什麼?
之後到我哋啦! 我跟住 Nicole 去沙灘上行下，大家輕鬆交談自己的近況，有咩心事或擔憂，原來對陌生人講自己小小嘅心底話都好療癒。🤫🤫🤫
最後我們坐喺沙灘，Nicole 同我做了一個簡單嘅冥想，好滿足呀! 我地互相擁抱祝福對方! 然後遇上上階段嘅參加者，大家異口同聲都覺得呢個既簡單又愉快嘅沙灘傾訴，令自己好似叉咗電一樣，心情輕鬆不少。
返到 Nicole 居所後，仲有茶點聚會時間👏👏👏👏他們準備咗坪洲出名嘅南乳餅作小食同花茶。大家都滔滔不絕分享今天嘅感受同啟發! 好滿足嘅一日旅程。我哋最後喺黃昏坐船返中環。Nicole 說呢到嘅日落比其他地方靚。👍
呢次小島療癒，感覺好新鮮同好方便，就似食快餐一樣! 🤣🤣🤣只要帶自己就得，每件事都已經妥妥當當安排好。
美中不足的地方是地方太细，如果想一班朋友一齊參加就有啲困難 (一班人開心就有，静心就做唔到啦🤭)。第二樣係原來我朋友同 Janice 導師都幾特別，佢哋嘅一小時喺屋內完成，Janice 除了是一個瑜伽導師外仲有提供阿卡西閱讀同薩滿的服務。朋友話Janice给予他解決問題的意見同搵出佢嘅力量動物 (你可理解為同你性格相似的動物)，朋友不知幾開心🤭。所以個人覺得如果能夠同時得到兩位導師嘅指教就最完美了。🤭🤣🤣🤣
仲有溫馨提示: 如果你只係想去打下卡同喺熱鬧中嘆下冷氣嘅話，呢個一日遊未必適合你，因為佢哋用心想令參加者重投大自然懷抱，從寧靜、慢活中令你重回平靜舒暢嘅感覺。
