七人欖球賽門票滯銷「0+3」看台禁止進食影響大

香港國際七人欖球賽「七欖」停辦三年，11月4日再度喺大球場舉行。雖然政府放寬入境檢疫措施至「0+3」，但門票仍然滯銷。香港欖球總會指，截至星期五賣出超過23,000張門票，包括: 16,500張經內部認購、5,400張公開發售。以上限85%入座率計，即約三萬人可入場觀賽來計算，售出的門票逾75%。

看台唔畀飲食，絕對影響睇波心情。

過去，「七欖」可謂係城中盛事，門票搶購情況有如紅星演唱會，往往一推出就被秒殺。相較而言，今年門票可謂「滯銷」，發售多時仍然任買唔嬲，近年難得一見。

欖總行政總裁麥偉彬指:「雖然話『0+3』唔使強制隔離，但係醫學監測嗰三日，疫苗通行證只係『黃碼』，去唔到酒吧、餐廳，對海外人士缺乏吸引力。」此外，唔少本地球迷覺得，看台唔畀食嘢，完全破壞睇比賽心情。

至於「體育專員」楊德強接受電台訪問時表示，反應已不差:「距離七人欖球賽尚有兩個多星期，希望未來多些市民購票入座。欖總已預期海外觀眾會較少，相信會加強本地宣傳吸引更多觀眾人場。」