中超第23輪，河北隊對成都蓉城，賽前主隊河北隊球員唔做熱身，竟然拉出寫住「懇求華夏幸福償還中國球員血汗錢」橫額，令球迷嘩然。
原來球隊自2020年開始，中國球員一直都未有糧出，反而工作人員同外援球員每月準時出糧。呢班現役或離隊嘅球員，對班主「華夏幸福」相當不滿，早前已發公開信聲討但未有回應，而家逼住要喺球場企出嚟。
按圖放大
「華夏幸福」係中國大陸房地產開發商，於上海證券交易所上市。2020年恒大債務危機爆發，多間內房陷入財務困境，「華夏幸福」係亦不能倖免，2021年負債高達人民幣52.55億。「華夏幸福」全資擁有嘅中超球隊「河北足球俱樂部」(簡稱河北隊) ，亦隨之面對資金壓力，現役以及已離隊球員都有欠薪，球員逼不得已之下只有拉橫額追討。
事隔多日，中國足協終於有行動，宣告中超球隊河北隊、中乙球隊武漢長江及湖南湘濤「未能落實解決欠薪規定，扣除2022賽季積分3分」。
----- 廣告 Ad -----
中超戰至第23輪，河北隊1勝21負得3分，而家被扣3分，剩返0分，亦為包尾一隊。與此同時，球會亦表示未有新資金之前，宣告職球員停工放假。
河北隊隊徽
資料: 新浪網
