中國大陸十．一國慶長假期，民眾例牌四出旅行，今年雖然受疫情影響，「健康碼」一關接一關，但唔少景點仍然逼滿人。不過呢單新聞並唔係因為人潮而發生嘅爭執，被針對嘅竟然係一隻狗。
呢兩日「江西武功山景區」上咗熱搜榜，話說有狗狗深受主人寵愛，主人見狗狗行到攰，竟然聘請轎夫，將狗狗由山腳抬上山頂。短片網上瘋傳，唔少人深表憤怒，覺得「轎夫枱狗上山」係對人類嘅冒犯，侮辱咗一班轎夫。
網民話轎夫抬狗上山其實好常見
轎夫反而唔覺被侮辱，佢哋話抬人抬狗都係為咗賺錢，都係工作一部份，況且狗嘅體重比人輕，做得比較輕鬆。而景區負責人話，佢哋唔會禁止旅客帶寵物，至於寵物用咩方式上山亦唔係佢哋管得到。
----- 廣告 Ad -----
https://www.youtube.com/shorts/nb4zm2VDVDI?feature=share
資料: 百度
