話說一對法國情侶去到森林散步，見到超過100隻羊跟住一名越野跑手慢跑。情侶截停跑手問佢咩料，跑手話佢因為戴住耳機，完全唔知有班羊跟住。最奇怪就係，跑手停低嘅時候，羊群亦乖乖等待。
佢哋相信係羊群同主人走失期間，遇到跑手就當佢係牧羊人。但見到咁多隻羊，佢哋都唔知點收科。結果越野跑手拍晒手口，話:「反正我都係練跑，就由得啲羊跟住我啦!」佢話會跑去附近幾個農場，希望會搵到羊群嘅主人。
結果羊群搵唔搵得番主人就不得而知，但短片網上瘋傳，點擊過千萬，都算係額外收獲。
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
