日前舉行嘅浙江省省運會女子足球賽，由湖州隊對麗水隊，結果麗水隊數咗「44個一皮」，以44:0大勝湖州隊。
見到呢個比數，相信唔少人第一個反應都覺得係打假波。不過實情係，輸波嘅湖州隊一直搵唔夠人組隊參賽，佢哋呢次係搵咗一班學生參加，訓練亦比較倉促。至於麗水隊就係一班大學體育系學生，經長時間訓練，係縣內頂尖球隊，贏波相當合理。
而湖州市體育局亦回應事件，話各地區體育發展項目唔同，足球唔係湖州市嘅重點項目。
有網民就話一次數人44粒相當無人情味，麗水隊嘅負責人就反駁:「落到球場無論贏波輸波都要搏盡，雖然明知贏梗，但係都無理由放軟手腳。」
而輸咗四十幾球嘅湖洲隊管理層，已為球隊進行心理輔導，希望佢哋輸波但唔好輸埋信心。
----- 廣告 Ad -----
https://youtu.be/2hLMSgPo-GA
資料: 新華報業網
