英國民眾第二日 (9月16日) 繼續在倫敦西敏宮外排隊，等候瞻仰英女皇伊利沙伯二世的靈柩。喺芸芸人群當中，有今年47歲嘅前英格蘭國家隊隊長碧咸。由報道所見，碧咸頭戴深藍色帽，身穿黑色西裝，喺人群之中靜靜排隊。
被記者發現後，碧咸欣然接受訪問:「我代表國家隊咁多年，喺球場唱咗咁多次 “God Save the Queen”，亦得到女王頒授 OBE，我表達對佢嘅懷念都係好應份。」碧咸由1996至2009年代表英格蘭出戰115次，係近年英格蘭最有代表性人物。
----- 廣告 Ad -----
「自少我爺爺嫲嫲都係好支持皇室，我知道佢哋一定好想嚟，咁我就代表佢哋兩個嚟追悼。」
最後碧咸排咗13個鐘入到西敏宮，被拍攝到眼有淚光。
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。