中國國家乒乓球選手梁靖崑，日前參加「WTT澳門冠軍賽乒乓球賽」，贏波之後做出「不得體慶祝動作動作」，「造成不良社會影響」，被中國乒乓球協會禁止本年度餘下時間參賽。
呢個動作有幾「不得體」，人言人殊，但「不得體」而搞到停賽，令唔少大陸民眾為之咋舌，有人更形容為「史詩式重罰」。唔少人話，呢次梁靖崑嘅動作雖然乞人憎，不過佢亦即時同對手道歉，而大會亦對佢行為無異議。呢次中國乒協嘅判罰，好多人都覺得太重。
被揭背懷孕妻偷食
雖然好多人認為判決過重，但又有唔少人就暗暗讚賞，原因同梁靖崑嘅醜聞有關。
乒乓球界早有傳言，話梁靖崑已經秘密結婚仲育有兩名子女。後來小師妹劉煒珊，就爆出佢太太生懷第二胎時出軌，圖文並茂，梁靖崑無得抵賴。雖然呢啲係佢嘅私生活，但公眾形像已直插谷底，所以就算被指判罰過重，亦無乜人替佢出頭，幫佢講好說話。
梁靖崑與他的誹聞女友劉煒珊
----- 廣告 Ad -----
