32歲嘅徐智顯早年到意大利留學，畢業後留喺歐洲打工。2021年底，佢買咗一匹阿拉伯白馬，學埋策騎同打理，計劃騎馬返回中國，話自己係另一個「唐僧」。
今年2月，佢由西班牙出發，計劃以每日30公里的速度東行，用一年時間經法國、比利時、荷蘭、德國、瑞士、奧地利、捷克、匈牙利等地，再經土耳其、伊朗返回亞洲，最後從新疆入境中國。
不過，徐智顯行咗半年只係行咗歐洲三個國家，仲引起唔少媒體關注，國內亦有相當多人討論。8月，徐智顯去到荷蘭，被當地警察阻止行程，理由係懷疑徐智顯虐待佢隻白馬。荷蘭警方先後兩次搵獸醫檢查，發現馬匹有舊患，後腿有損傷，不宜進行長途旅程，所以禁止徐智顯繼續前進。
旅程展開半年，徐智顯本人膝部亦有受傷，現時滯留喺荷蘭。如果佢同隻馬唔可以短時間復元，旅程好可能就會告吹。
----- 廣告 Ad -----
資料: 澎湃新聞
