「量力而為」係行山遠足首要原則，不過正所謂「人類總是犯同樣的錯誤.jpg」，總有人不自量力令自己身陷險境。浙江兩名女子，日前就去到當地江官岩遊覽，點知佢哋無理警告牌，亦無量力而為，行下行下行咗出懸崖，前面無路，返轉頭又唔敢，唯有call消防救援。
不過，消防員到達事發現場，發現兩女身處嘅地方絕對唔講得笑: 懸崖差唔多呈90度，離地約400米，加上立腳嘅平台面積相當細。結果，消防用咗個幾鐘先可以去到兩女嘅位置，將佢哋帶落山。
兩名女子當然嚇餐飽，亦好彩消防無人受傷，都算係大團圓結局。
資料: 長江雲
