西班牙三鐵選手 Cristian Moriatie 早前參加愛沙尼亞 IRONMAN 比賽，以 9小時28分26秒，奪得分齡組別第6名。不過佢衝線後唔係第一時間飲水休息，而係單膝下跪，向女朋友求婚。
成件事本來勁浪漫超溫馨，不過或者因為 Cristian 完成3.8公里游泳、180公里單車及42公里跑步，體力消耗過多，一跪低就雙腳抽筋，完全動彈不得，情況相當滑稽。好彩佢身邊一班隊友即時解救，合力將 Cristian 抬起，令佢完成求婚嘅儀式。
更令人開心就係，佢女朋友爽快答應 Cristian，有情人終成眷屬。
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。