最近 Netflix 新劇《后翼棄兵》 (Queen’s Gambit) 大熱，令國際象棋備受關注。關於象棋 (指國際象棋)，一直以來都有極大爭議: 佢算唔算係運動項目?
象棋有望成奧運項目?
歐盟28個成員國中，有24個被視象棋為運動 (除英國、愛爾蘭、比利時及瑞典)。2006多哈亞運會，象棋首次成為大型運動會比賽項目，設有男女子個人賽及混合團體賽。到2010年廣州亞運，更新增男女子隊際賽。
至於奧運會，國際奧委會1999年首次將象棋視為一項潛在嘅奧運項目。由此開始，正規象棋賽事都要遵從一啲奧運規條，例如設立藥檢制度等。到2019年，歐洲象棋聯盟展開游說行動，目標要喺2024年巴黎奧運，將象棋納入奧運項目。
亞運會象棋賽
----- 廣告 Ad -----
象棋係運動?
唔少人都探討過象棋是否一種運動，當中有唔人用以下論點去證明:
- 具有競爭性 (competitive)
- 有完善比賽制度及規例
- 挑戰人類體能: 除咗講求腦力，捉象棋對身體消耗相當大。一場正式賽事可長達7小時。世界級選手會聘用營養師及健身教練
象棋挑戰高速電腦深藍
事實上，運動所追求並唔單純係體能上嘅挑戰，亦可以追求策略、智慧，以及專注力。所以，既然冰壼、射擊、射箭等可以喺奧運項目，咁象棋屬於運動亦非常合理。
永誠
講求綠色、環保、天然的健康生活。推廣新一代健康生活文化。