政府宣布，延長限聚令及限桌令等防疫措施至2月17日 (年初六)，唯一令人興奮，就係2月4日2月9日會先開放「部分涉及較少身體接觸的活動的戶外運動場所」。

重開戶外運動場所

據新聞公報，2月9日可重開的運動場所包括:

1. 運動場的跑道
2. 網球場和網球練習場
3. 高爾夫球場
4. 高爾夫練習場和練習草坪
5. 草地滾球場
6. 射擊場
7. 射箭場
8. 單車公園
9. 騎術學校
10. 無線電控制模型飛機場
11. 海上活動中心 (包括但不限於獨木舟、輕艇、帆船、遊艇、滑浪風帆、划艇、龍舟、滑水、直立板、潛水和滑浪運動)
12. 攀石牆
13. 門球場
14. 戶外乒乓球枱
15. 戶外羽毛球場

任何人在相關場地運動前後，必須佩戴口罩，每組不得超過2人。至於健身室、足球場、籃球場等受歡迎嘅設施，應該不會在農曆新年前重開。

唔帶智能手機係咪唔俾進入場地?

政府新聞公報列明，「在可行情況下須確保使用者在進入處所前利用手機掃瞄「安心出行」二維碼，或登記有關人士的姓名、聯絡電話及到訪處所的日期及時間。」即係話今次重開場地，會要求市民嘟一嘟個 App 先可以進入。

唔少跑友話:「我跑步唔帶電話，咁咪無得去運動場跑步?」

根據新聞公報所述，措施應該沿用黃大仙祠農曆新年安排:

1. 有智能手機，就喺門口嘟下二維碼，然後進入；
2. 無智能手機或無帶電話，門口有保安員會記低你個人資料，然後放行

所以，唔帶電話一樣可以進入場地，不過就要帶定身份證明文件，接唔接受 BNO 就不得而知了。

安心出行的私隱問題

政府早前強調，程式記錄資料只會儲存喺手機，用家無法自行查閱出行記錄，亦唔會透過網絡對外發送。不過，有人發現「安心出行」要求使用手機多個權限，包括取用相片及媒體、檔案、儲存空間，以及更改或刪除內容等，質疑程式權限過大。

政府話出行資料31日後將自動刪除，政府或其他系統不會備份。如果有疑慮，亦可以選擇跑街。

Fitz早前IG及FB Story分別問大家睇法，結果一面倒唔想裝app。

資料: 政府新聞公報