疫情之下，唔少人跑步行山都選擇戴上頸套 (Necg gaiter，中文有人又叫風巾，台灣叫脖圍)，貪佢既可以遮掩口鼻，又可以抹汗。不過，最新研究就話呢種戶外裝備對防疫毫無幫助，更有助傳播病毒。
美國杜克大學 Duke University 上月發表一項研究，分析市面14款常見嘅口罩或遮掩物，由N95口罩、醫護口罩，以至頸套等裝備。研究人員戴上唔同物件，然後講嘢或咳嗽，結果發現頸套防疫效能最差，因為:
- 呢啲頸套大多以普通棉質布料製造，而呢啲質料具十分高穿透能力
- 外來污染物可透過布料進入口鼻
- 使用者嘅口水及汗水，亦可經由布料，向外界散播細菌病毒
更嚴重就係，原本口水及汗水嘅水珠體積甚大，不容易散播得太遠。不過口水及汗水經過頸套布料時，體積會變小，因而傳得更遠。所以，研究人員指戴頸套防疫，「係仲衰過唔戴」。
----- 廣告 Ad -----
呢項研究亦得到美國疾病預防中心 CDC 嘅採納。
Buff 承認沒有防疫功能
以銷售頸套聞名嘅戶外品牌Buff，於研究公開之後發表聲明，承認佢哋嘅頸套唔係防疫用途，而佢哋正開發有關產品。
至於另一品牌 Vapor Apparel，就話佢哋有唔同質料產品，部份質料「質量或會更高」。
Buff嘅聲明
總之，病毒威脅之下，對於防疫裝備真係要謹慎選擇，以免令疫情加劇。
資料: Washington Post
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。