[澳洲運動攝影師相片集] 奧運延期 運動員絕不OK

疫症全方位打擊全球，2020原本係運動年，可惜因為疫情，全球體育運動停擺，奧運更無奈延期，專業運動員奮鬥一生嘅表演舞台驟然消失。澳洲攝影師 Delly Carr 深明呢班運動員嘅失落，以鏡頭記錄佢哋心情，相片並於7月24日，即原本2020東京奧運開幕日發表。

Delly Carr 開宗明義話:

Athletes Are Not OK and society needed to know that.

澳洲三鐵選手 Natalie Van Coevorden

世界排名第11名嘅澳洲三鐵選手 Natalie Van Coevorden 話:「我第一個反應係好震驚，而且好傷心。作為運動員，我哋付出100分，為大賽做準備。而呢輯相可以反映我哋失去運動員身份嘅悲傷。」

澳洲三鐵選手 Emma Jeffcoat

Emma Jeffcoat

佢係世界排名第48名嘅澳洲三鐵選手，Emma話:「最初我都覺得好失落同沮喪，覺得夢想幻滅。有幾日我仲匿埋喺屋企，咩人都唔見。」

「幾個星期之後我開始意識到，我唔單止要令自己開心，更加要幫助其他人。我係一位註冊護士，呢個時候其實好需要我出手幫人。」

除了女子鐵人三項運動員之外，Delly Carr 亦拍攝咗其他運動員，包括水球、游泳、划艇等。