好多奧運贊助商呢個時候都保持低調
東京奧運仲有唔夠兩個月就開幕，不過日本疫情居高不下，逾80%受訪國民表示希望延期或取消。當局雖然決意如期舉行，但前途甚為悲觀。
民間對奧運有反對聲音，商界亦有同樣不滿。日本電子商務巨頭樂天集團 CEO 三木谷浩史早前向 CNN 表示:「日本舉辦奧運會將是『自殺式任務』」。另外，《金融時報》報道，有日本本土贊助商亦不滿奧運嘅防疫措施，希望「至少延遲幾個月舉行」。
部份日本贊助商
東京奧運共有47間來自主辦國日本嘅贊助商，涉及贊助費達30億美元 (約港幣234億)。有贊助商向《金融時報》透露，佢哋花費巨款贊助奧運，但完全得唔到宣傳效果:
- 國內民眾普遍對今屆奧運有不滿情緒，商品同奧運沾上關係，反而有不良效果，所以唔少贊助活動都低調進行
- 疫情之下，海外觀眾近乎絕跡
- 如果疫情居高不下，各項比賽有機會連國民都唔畀入場
即係話，東京無論氣氛以至觀賽安排，都對贊助商相當不利，所以佢哋希望延期至較佳時機先正式舉行，樣各方面都皆大歡喜。
----- 廣告 Ad -----
不過，事情又是否這樣簡單?
民眾對舉辦奧運相當不滿
資料: Financial Times、CNN
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。