[里約奧運] #撐自己人 撐本土 香港划艇隊

官方叫自己做「賽艇隊」嘅香港划艇隊，今屆奧運派出兩男兩女出賽，分別出戰男子雙人及女子雙人賽事。

參加女子輕量級雙人雙槳項目嘅運動員，係李嘉文同李婉賢姊妹組合。家姐李嘉文原本玩開個人項目，曾經喺2006年多哈亞運拎過銀牌，後來為咗一圓妹妹心願，伙拍妹妹李婉賢玩雙人艇。最後佢哋終於如願，兩姊妹齊齊參加奧運會。

至於男子組是趙顯臻同鄧超萌。趙顯臻原為風帆運動員，中學畢業後轉玩划艇，受到划艇領隊白勵賞識，與鄧超萌合作雙人艇。合作三個月後，已見成績。喺今年四月嘅澳洲公開賽，呢對組合第一次出賽已拎到銀牌。後來喺四月嘅奧運資格賽，亦順利取得季軍，晉身奧運。

值得一提，就係白勵領隊，佢自從1986年由英國來港，開始擔任香港划艇隊總教練以來，已第七次帶領港隊出戰奧運。佢雖然係西方人面孔，不過佢絕對係我哋嘅自己人！撐！

項目	運動員	比賽時間 (里約)	比賽時間 (香港)
划艇 Rowing	李嘉文、李婉賢、趙顯臻、鄧超萌	6/8(六) ｜ 14/8(日)	6/8(六) ｜ 14/8(日)

更多：
Fitz.hk Facebook專頁
[里約奧運] #撐自己人 撐本土 香港劍擊隊
[里約奧運] #撐自己人 撐本土 香港乒乓球隊
[里約奧運] #撐自己人 滑浪風帆 鄭俊樑 盧善琳
[里約奧運] #撐自己人 游泳 歐鎧淳
[里約奧運] #撐自己人 羽毛球 伍家朗 葉姵延
[里約奧運] #撐自己人 高爾夫球 陳芷澄
[里約奧運] #撐自己人 馬拉松 姚潔貞
[里約奧運] #撐自己人 香港單車隊
[人人奧運] 丹尼爾 x 黃蘊瑤 與鐵血女車神一盅兩件
[一個傳奇的誕生] 丹尼爾 vs 陳恩能 愛做有意義的事