上世紀九十年代嘅日本漫畫《男兒當入樽》(SLAM DUNK)，堪稱運動系動漫嘅經典。不過，當年因為種種問題，作者井上雄彥未有為故事發表最終局，一直令擁躉婉惜不已。事隔25年，《男兒當入樽》電影版宣佈12月3日於日本上映，官方並且喺戲院發佈最新海報。
官方網頁亦訪問了三位工作人員，佢哋透露10年前已開始籌備呢套動畫，並且不惜工本搵真人打籃球拍攝動作，再用3D技術製作，令電影人物嘅動作更流暢。至於故事方面，最新公佈嘅電影海報，就以「湘北對山王工業」為主題，似乎係承接25年前結束嘅漫畫版，來個終極結局。
製作人員一覽
早前發布預告片及海報
