[劍橋研究] 香港市內踩車 4小時就要停!

張伯倫 2016-08-29

[劍橋研究] 香港市內踩車踩3.5小時就要停 1 早前嚟自世界各個城市嘅學者，連同英國劍橋大學，研究城市嘅空氣污染，點樣影響單車族嘅身體健康，最後發現，喺全世界嘅城市裏面踩單車都叫大致安全。佢哋話總共99%嘅城市，踩單車多過2個鐘頭都唔會危害健康。

為咗方便大眾理解，呢班學者仲設立咗一個臨界點 (tipping point），即係話，如過咗臨界點，咁踩單車嘅壞處就會多過好處。污染越嚴重嘅城市，臨界點自然越低。

其中臨界點最低嘅城市係印度新德里，市內踩單車唔好多過30分鐘。空氣出名差嘅北京，臨界點係45分鐘。

至於香港，就建議唔好踩多過225分鐘，即係接近4個小時。保守以時速15公里去計，225分鐘即係可以踩到56公里左右。今年香港單車節最長一組係50公里，果然有先見之名！而上Google一計，56公里就係由尖沙嘴沿彌敦道上大埔道，然後入大埔，經新娘潭、鹿頸抵達上水。

225分鐘，56公里，聽落好似可以接受，但比起其他亞洲城市，台北、首爾 (315分鐘)，東京 (855分鐘)，香港呢個數字就真係比下去囉。

東京嘅臨界點，係報告裏面嘅亞洲城市最高

----- 廣告 Ad -----

部份城市臨界點一覽 (以分鐘計)：

自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。