9月20日星期日，荃錦公路近光板田村發生交通意外，一名男子踩單車越線連人帶車滑向旅遊巴，單車男傷重不治。事後 Fitz 於 Facebook 分享《蘋果日報》呢宗新聞，引起激烈迴響。
唔少留言相當有建設性，可以畀大家深思下公路踩單車嘅問題:
Julian Chiu (每日都會揸車經過呢段路，雖然係單車友，但唔會到上址踩單車)
我每天駕車路過大山，每天也擔心這樣的事⋯⋯真的很危險，有時也不是技術問題，意外就是意外，千萬份之一的風險一旦發生了便是一。很傷心💔！
我本身也是一個單車友，但我從不踏這路段，因我每天也駕私家車來回一次這路段己有一年半時間，對這段路的風險自問相當掌握。上落大山約有一百個彎，五十上五十落，各彎風險不一，估計約有最少三分一屬高風險類，即彎急及欠缺彎後視野。其他風險因素包括，村狗、黃牛在急彎後沒差別出沒，需要急煞容易造成意外。我看見高手快速出入彎，新手慢駕等等，因此意外風險無處不在。我會保護車友們，但這段路確實有很多非拓海類的賽車高手急急上路及切線，連我已有三十年車齡的高 (齡) 手也敬而遠之，希望大家更明白我的擔憂及傷心。
Anthony Chui (有兩個左彎特別急)
RIP, 有兩個左灣 (彎) 係特別急，初踩嘅朋友要多加留意，地面印有慢駛。學車時師傳 (傅) 經常提我，一定要望遠啲，單車一樣 .
----- 廣告 Ad -----
Wai Ma
向荃灣方向落山寶雲匯嗰隻左/左灣
Wai Ma (騎車者缺乏危機意識)
危險唔係因為大帽山同架單車，好多時係踩單車嗰個冇控車技巧同危機意識，今朝大帽山落雨，而且佢踩住架係 Disc Brake 嘅單車，嗰啲行 Disc Brake 嘅單車如果唔識掌握 Brake 力度真係會失控，而且好多近年玩單車嘅好多都無路面經驗人踩又跟住踩，踩住架單車大帽山落斜，其實同揸住架電單車無咩分別。
其實我講咗好耐，單車踩馬路冇問題，但係如果要將架單車踩上去馬路，建議政府用一個發牌嘅制度原理同車牌一樣有許可嘅先可以將架單車踩上馬路，而家嘅單車科技加埋適當嘅體能訓練，大帽山落車呢啲路其實衝到 7/80 都唔難，基本上同一架電單車冇咩分別。
Canny Ng (天意難違)
都唔關危險性! 車手一定踩單車踩慣路線……但又時候天意的! 希望家人節哀順變 🙏🏻
----- 廣告 Ad -----
Jas Ye (雨後有青苔)
落雨天有成個禮拜，山路多青苔多彎，應該係要評估是否合適踩單車既條件。
家輝 (單車只可以踩單車徑?)
其實單車咪只可以踩單車經 (徑)。
Cantona King (唔好貪快)
我個人想法。其實只要係遵守交通規則。但千奇唔好貪快/型。其實係可以踩馬路。
駕駛人士睇法
荃錦公路彎多路窄 圖: 香港巴士大典
有理由相信，Fitz 讀者唔少都係愛好踩單車人士，但反觀「世界嘅另一面」，一個聚集唔少四輪汽車駕駛者 (俗稱46) 嘅 Facebook 群組小心駕駛(討論別人駕駛態度)，留言就相當一面倒，都係唔認同單車喺荃錦公路呢類狹窄、彎多、多斜路嘅道路踩單車。部份留言係咁講:
- 「條路係咪比單車友買起左?」
- 「基本嘅安全意識都未有就學人踏公路? 唔好同我講係小部分嘅害群之馬。10個有8個個頭都係望地下，你地想快就頂住條路，你地攰就隨時停! 點先?」
- 「有路權冇問題，單線頂住冇問題，麻煩你地踩到電單車咁快，咪Q塞住，同埋守番交通規則。」
- 「根本就係個政府廣告出問題，使用道路嘅權利係一樣……咁使用道路嘅責任呢? 咁使用道路嘅規則呢? 呢班友，權利就用盡，責任唔負燈照衝行人路照上中線照行迴旋處亂入亂出……青公使用者對路權L嘅不滿達火山級。」
- 「佢地係有權用，但可唔可以規定有車牌先踩得馬路，同埋守交通規則先?」
有網民引用漫畫《爆音少女》諷刺騎單車者
避免意外先係正確駕駛態度
英國有人於道路放置一啲因交通意外撞爛嘅 Ghost Bike，提醒大家踩單車要注意安全
唔少汽車駕駛者都認為，香港馬路踩單車唔使考牌，於是不少騎車者缺乏基本道路使用知識，更缺乏路面經驗，所以如果任由單車於公路行駛，一定程度上會造成更多交通意外。
26 vs 46 嘅爭論，可以話係無日無之，雙方都有既定立場，已經好難用理性說服對方。不過，筆者好記得有次去法庭旁聽一宗「不小心駕駛」嘅案件，法官判案後就咁講:
「你揸緊車嘅時候，唔應該去諗究竟你啱定係對對方啱。邊個啱邊個錯都好，作為駕駛者點應該要盡最大能力避免意外發生!」
----- 廣告 Ad -----
