香港榜上有名! 13條全球設計最差嘅單車徑

超過230萬訂閱嘅 Global Cycling Network，早前公布由全球網民提供嘅「設計最差單車徑」 (The Worst Bike Lanes & Cycle Ways In The World)，香港榜上有名，揚威世界!

天水圍單車徑 第8位

呢條位於天水圍嘅單車徑，幾年前已香港市民選為「世上最短嘅單車徑」，呢次更加受到海外勢力恥笑。投稿嘅 Piero 話，佢除咗係世上最短，仲應該極少數「闊度比長度更長」嘅單車徑。

此外，主持人亦好奇咁短嘅單車徑，都有咁多減速欄，安全成咁入面仲可以做乜，唔通跳 break dance?

筆者之選: 靜岡縣掛川市  第6位

呢條沿海嘅鄉郊單車徑，近年大受追捧，不過部份路段要連過4關，單車技術差啲真係會中伏。

第一關: 單車徑入口有鐵閘

第二關: 好多野草

第三關: 大樹阻路

第四關: 有水坑

世上最差單車徑5強

除咗上面呢兩條單車徑，世界各地都有好多好搞鬼嘅單車徑，頭5強依次為:

第1位: 智利聖地牙哥

兩條鐵欄閘住，相信要武林高手先過到。

第2位: 德國

融入於大草原嘅單車徑，唔係有個路牌嘅話，絕對睇唔到。

第3位: 挪威沃斯 Voss

踩踩下車睇到有間大屋檔住你，可以畀咩反應好?

第4位: 英國列斯 Leeds

講短少精桿，英國列斯贏晒天水圍，唔怪得可以排第4。

第5位: 美國三藩市

路牌設置不當，製造陷阱。

其他上榜嘅最差單車徑

第7位: 意大利山間單車徑，踩踩下無條路。

第9位: 英國埃塞克斯，單車徑竟然有樓梯!

第10位: 葡萄牙Cascais，路燈阻路。

第11位: 加拿大安大略Kingston，除咗路中心嘅巨大路牌阻路，後面亦有好多路牌興建於單車徑裏面。

第12位: 東京多摩川橋，要哈比人先過到

第13位: 葡萄牙里斯本，踩車要跳欄