[Cape Epic 2016] 香港6人挑戰南非賽道

被譽為越野單車嘅環法賽事，南非Cape Epic會喺3月13日至20日舉行。香港將有3支單車隊共6位車手出戰。

其中Fitz郁民鄭澤誠，會繼續聯同Derek Chung，繼2014年後再次遠征南非。

Team ANS Baby – R3 – Voice (編號：264)

鄭澤誠曾經代表香港，參加亞洲山地錦標賽及全國山地錦標賽等大賽。退役後考獲註冊單車教練資格，積極推動單車發展，培養唔少有潛質嘅新血。而佢呢次出戰，希望可令更多朋友認識呢項比賽，以及認識越野單車運動。

至於隊長Derek Chung，本身係銀行家。喺2009年開始投入MTB運動。2010年奪得動感亞洲單車賽嘅組別冠軍。其後出戰世界各地，足跡遍及澳洲、德國、加拿大、瑞士，以及第二次踏足嘅南非。而佢希望藉單車比賽環遊世界。

另外2支香港嘅單車隊，分別係：

Team Robot Doll (編號：600)

黃子廷Willy係設計師，有十年越野車經驗，希望藉比令工作、家庭，以及單車技術有所突破。更希望三支香港隊都可以順利完成。

黃基業Kay，十年越野車經驗。為咗選加比賽，由中學教師轉為兼職小學教師，餘暇從事畫畫工作。

Team XCape (編號：650)

溫柏霖，踩單車6年，正職飛機師，覺得人生一定要玩一次 Cape Epic。半年前開始練習，目標係希望所有香港參賽者都完成比賽。

張迪輝今年58歲，以「高齡」出賽。佢強調運動並非單為身體健康，也是一種嗜好及生活態度。而藉住單車訓練，更令佢嘅生活有規律及健康。佢表示，佢雖然年過50，但仍然希望借今次比賽，令佢有更多進步！

比賽分享
今次係鄭澤誠同Derek第二次參加南非Cape Epic。2014年，佢哋係第一支完成呢項賽事嘅華人隊伍，而本身係銀行家嘅Derek都可以成功完賽，意義非常重大，亦鼓勵到更多香港業餘車手報名。鄭澤誠話，希望將來有更多香港朋友參加呢項大賽，比賽時可以注意以下呢幾項特色：

1. 隊友之間唔可以相差超過2分鐘（過咗會被罰，甚至取消資格），所以佢哋當年會喺車頭掛叮叮。大家響鐘聯系。
2. 落斜其實難過上斜，因為賽道勁多碎石。
3. 賽道多石頭，車呔成日爆，所以佢要孭住幾條士啤呔比賽。

3月13日至20日，大家可以喺官網睇到最新嘅比賽消息，以及各車手嘅進度及排名。

更多：
Fitz.hk Facebook專頁
越野單車嘅環法—南非Cape Epic
[訪問鄭澤誠] 堅持就是一種勝利，沒有人可以質疑
2015日本 SDA山地賽—準備篇
Fitz Cycling單車