屯門「單車大帝」 維持單車徑秩序?

圖: 發展局網頁

地球有難，我哋有超人守護；葛咸城治安唔好，又有蝙蝠俠伸張正義；至於香港嘅屯門，就有「單車大帝」。

有網友喺連登討論區開post「有無巴打有睇 「屯門單車大帝 」YouTube channel」，話屯門出現咗一位「單車大帝」，配備超強閃光、吵耳警號，喺屯門單車徑維持秩序，一見到有人喺單車徑上面慢步、跑步、推車，總之唔係踩單車嘅話，就嚟一招「皇天擊殺」，嚴懲大大小小犯規人士!

單車大帝「皇天擊殺」招數:

1. 強烈而閃動嘅強光
2. 剌耳警號
3. 流利嘅廣東粗口

上面條片，係佢追殺到一位跑步人士認錯之後，仍然唔滿意，竟然要求跪地道歉 (1’40”)。不過，據聞蝙蝠俠有個悲慘童年，佢父母雙亡，先至令到佢警惡懲奸。咁屯門單車大帝究竟經歷過啲咩，令到佢咁仇視違法踏足單車徑嘅市民呢? 又真係不得而知。

當然，為咗安全，市民要跑步、要慢步，絕對應該使用行人路。但香港環境擠迫，有時大家為求方便而踏步單車徑，亦情有可原。

網友對於單車大帝嘅行為，有人覺得大快人心，有人就覺得十分偏激。唉，其實單車友同跑友，大家做運動都係想強身健體，又何必互相針對呢。

屯門「單車大帝」其他短片:

資料來源: 連登討論區

Fitz 連結: https://fitz.hk/?p=100060