郵輪上的健身室

上星期五上咗一艘新啓航的星夢郵輪。船上的美食眾多。但係因為要參加渣打馬拉松 10 公里賽、揹水一戰30公里賽及聯合國慈善跑21公里賽。食飽咗都要係郵輪上的健身室操 Fit 自己。

郵輪上有免費一小時瑜珈班及半小時修腹班。自己除咗要上堂操Fit外。還使用了其他健身設備。練腳力之餘重要練手臂力。

圖中有敎練敎我如何正確使用啞鈴及健身沙包。背起個沙包練平衡力，這個手臂鍛鍊我自己堅持要做。因為未來要參加第一次30公里賽的揹水一戰。比賽當日要揹住個10磅重的水樽跑太平山頂。單單練跑係唔足夠。

----- 廣告 Ad -----

對咗個海練習上樓梯級，身處海中心練習，別有一番風味。

操累了可以去休息室中嘆杯茶，暖下個胃。
除咗可以在室內操GYM。上一層就係甲板。甲板上有緩跑徑。環迴跑七個圈等於一公里。穿上 SKECHERS 運動服，加上印有南華體育會的襟章。我去到邊，每個郵輪乘客都當咗我係健身敎練。

重有個攀石牆供遊客使用。新手有工作人員作出指導。推薦給各位如果想在 Weekend 上郵輪食住玩。郵輪係一個唔錯選擇。

特別鳴謝：
SKECHERS 運動品牌
南華體育會
SCAA Athletics Team
Alice Lok 駱雪儀師姐

跨媒體IT人，撰稿在網上雜誌。愛寫作，更愛音樂；愛旅行，更愛長跑。曾參與香港多個大型慈善長跑活動。如聯合國兒童基金會慈善跑、苗圃挑戰12小時越野狂奔、揹水一戰、渣打馬拉松及新地公益垂直跑之勇闖香港ICC等。