最近，一項運動被英國傳媒籲為繼「趴街」（Planking）及冰桶挑戰之後，另一個新興呃Like行為。呢項運動就係「人形旗幟」（Human Flag）。
人形旗幟由前美式足球員Dave Jackson發揚光大。呢個動作，原本屬於健身操其中一個動作，但Dave就去到唔同地標做呢個動作，貼圖呃Like成功，引發新一輪熱潮。
呢張係Dave發揚光大嘅人形旗幟相。
Dave估計人形旗幟之後，呢個叫calisthenics 嘅健身動作會大行其道。
----- 廣告 Ad -----
Dave話，佢練呢個動作要練三個月先成功，仲話佢見過最厲害嘅人，都要練六個星期。不過佢強調，只要肯鍛練，就人人都可以做得掂！而Dave亦只係做到20秒，世界紀錄都只係分半鐘咋！
計我話，呢個呃Like方法點都好過淋冰桶，至少大家唔使逼個半歲BB做，而啲高官又唔使懶親民，搵班攝影師影Facebook貼圖丫。
資料：英國每日郵報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。