講真,

其實你幾大隻都好,喺健身室都只會吸引人哋一眼咁大把

不過如果你喺健身室太過「目中無人」,一定成個 gym 嘅人都認得你
所以今日「如果一早知…系列」最後一篇,想同大家講下常見「太過自我」問題,
畀大家記住唔好成為成間 gym 嘅「明星」

下面八個常見嘅「成名大技」,畀大家留意留意。

1. 亂咁掉嘢

唔知喺健身室入面啲人太隨意,定我份人太挑剔,我對其他人掉啞鈴好反感。

眾所周知,掉啞鈴喺一個保護自己嘅行為,當你真喺頂唔住,掉開啞鈴避免自己受傷都迫不得已。
但喺唔知啲人喺咪要刷存在感,有事無事都將啞鈴掉落地,起身之後又同人談氣風生,完全冇「逃出生天」嘅感覺,真喺多得呢啲人唔少。


香港地啲 Gym 仲要豆潤咁細,喺「劏位」(其實櫈同櫈中間個到仲有空間可言?) 一掉勁容易整傷人,所以見到呢啲人,為自己生命著想,都喺敬而遠之。

2. 用完啲嘢又唔執

其實你屋企幾亂我都無所謂,不過呢度公眾地方,做人有返少少手尾得唔得。

成日用完啞鈴唔執/拆到成地都喺餅,用完拍拍羅友就走,留低一地野要人幫你執手尾真喺好低賤,用完執返好呢啲常識喺 Gym 真喺唔喺個個有,下手個位又要周街搵返個啞鈴返嚟,你話幾麻煩。

3. 喺器械上面hea

Gym 呢啲公眾地方,人多在所難免,大家都喺想喺自己訓練時間內完成,邊個會想因為要等而浪費自己人生。

不過總有人會喺覺得自己畀少少錢就喺皇帝,做10set中間抖3分鐘又唔肯起身,死霸住部機唔走
行埋去問佢又會話仲有幾 set 叫你慢慢等,其實問得你都喺想 share 姐,唔喺部機到抖會死?

4. 霸住哂啲器材

除咗上面咁霸,仲有啲人為咗做 drop set/superset 拎住幾個唔同重量啞鈴,問佢又話用緊用緊,其實喺你身邊一set你都仲可以用嫁,我唔會拎d啞鈴返屋企嫁。

5. 問都冇問拎走啲器材

呢個情況就喺上面嘅倒轉啦,大家休息緊嘅時候我相信都唔會拎實個啞鈴嫁啦,喺呢個時候,總會有人行埋嚟就咁拎走你個啞鈴/餅 (唔知點解,呢啲人通常帶 headphone),當你黑人問號之際,叫佢佢又聽唔到,其實見到想用嘅嘢附近有人,問一句好難?

6. 指指點點

唔知點解,有啲人以為自己咩都識,咩都啱,好鍾意喺 gym 房入面笑人做得輕、笑人做得唔啱、笑人肥⋯⋯其咁得閒,做咩唔認真做自己 program?

7. 自拍show muscle

呢啲人見到鏡就會發狂,呢個病輕則喺對住鏡谷肌擺 pose,重則阻住成個世界,要所有人目光放喺你身上,其實擺 pose 真喺冇問題,上台比賽 (body building) 都喺鬥擺 pose 姐,問題喺做咩迫我做你觀眾?仲要拎部電話閃下閃下,你嚟為咗搵我做佈景板影相定做 gym?

8. 濃烈臭味

喺人都會有汗味,喺呢個充滿汗水嘅世界,我從來都唔介意大家有汗味,我相信大家都有同樣諗法。不過,汗味還汗味,我好怕個啲喺件衫傳出嚟嘅陳年汗味,件衫著過可以洗一沈先拎出嚟?

以上咁多問題,其實我相信都喺少數「明星」先會咁,正正常常嘅師兄好少會有呢啲問題出現,不過,希望大家去開嘅 gym 愈嚟愈少「明星」啦!

Sportential 運動潛能資訊 Facebook 專頁
原文載於 Sportential 運動潛能資訊


更多:
Fitz Facebook 專頁
[Sportential 運動潛能] 做乜先可以加速恢復速度?
[Sportential 運動潛能] 瞓多啲覺 運動表現更加好?
[Sportential 運動潛能] 運動緊飲熱水定凍水?
[Sportential 運動潛能] 容易忽視的傷患—後肌拉傷
[Sportential 運動潛能] 唔熱身,不如返去早唞?
[Sportential 運動潛能] 如何改善坐低跑?
[Sportential 運動潛能] 「馬里奧跑法」跑得慢嘅元兇?
Fitz Fitness 健身

廣告
Sportential 運動潛能資訊
Sportential 運動潛能資訊 - 我哋喺對香港運動醫學及科學界有說話嘅專業人員。於香港、澳洲、英國倫敦等地學習”體育教育”、”物理治療”、”運動醫學”、”體能訓練”。希望為香港,帶來最新、最快而又正確嘅檢查、訓練以及運動資訊。我哋每個都有不過經歷,但都流著運動嘅血! https://www.facebook.com/sportential/