[Sportential 運動潛能] 八個健身室明星「成名大技」

由

2018-02-15

Fitz > 運動 Sports > 健身 Fitness > [Sportential 運動潛能] 八個健身室明星「成名大技」

講真，

不過如果你喺健身室太過「目中無人」，一定成個 gym 嘅人都認得你
所以今日「如果一早知…系列」最後一篇，想同大家講下常見「太過自我」問題，
畀大家記住唔好成為成間 gym 嘅「明星」

下面八個常見嘅「成名大技」，畀大家留意留意。

唔知喺健身室入面啲人太隨意，定我份人太挑剔，我對其他人掉啞鈴好反感。

眾所周知，掉啞鈴喺一個保護自己嘅行為，當你真喺頂唔住，掉開啞鈴避免自己受傷都迫不得已。
但喺唔知啲人喺咪要刷存在感，有事無事都將啞鈴掉落地，起身之後又同人談氣風生，完全冇「逃出生天」嘅感覺，真喺多得呢啲人唔少。

香港地啲 Gym 仲要豆潤咁細，喺「劏位」(其實櫈同櫈中間個到仲有空間可言?) 一掉勁容易整傷人，所以見到呢啲人，為自己生命著想，都喺敬而遠之。

其實你屋企幾亂我都無所謂，不過呢度公眾地方，做人有返少少手尾得唔得。

成日用完啞鈴唔執/拆到成地都喺餅，用完拍拍羅友就走，留低一地野要人幫你執手尾真喺好低賤，用完執返好呢啲常識喺 Gym 真喺唔喺個個有，下手個位又要周街搵返個啞鈴返嚟，你話幾麻煩。

Gym 呢啲公眾地方，人多在所難免，大家都喺想喺自己訓練時間內完成，邊個會想因為要等而浪費自己人生。

不過總有人會喺覺得自己畀少少錢就喺皇帝，做10set中間抖3分鐘又唔肯起身，死霸住部機唔走
行埋去問佢又會話仲有幾 set 叫你慢慢等，其實問得你都喺想 share 姐，唔喺部機到抖會死？

除咗上面咁霸，仲有啲人為咗做 drop set/superset 拎住幾個唔同重量啞鈴，問佢又話用緊用緊，其實喺你身邊一set你都仲可以用嫁，我唔會拎d啞鈴返屋企嫁。

呢個情況就喺上面嘅倒轉啦，大家休息緊嘅時候我相信都唔會拎實個啞鈴嫁啦，喺呢個時候，總會有人行埋嚟就咁拎走你個啞鈴/餅 (唔知點解，呢啲人通常帶 headphone)，當你黑人問號之際，叫佢佢又聽唔到，其實見到想用嘅嘢附近有人，問一句好難？

唔知點解，有啲人以為自己咩都識，咩都啱，好鍾意喺 gym 房入面笑人做得輕、笑人做得唔啱、笑人肥⋯⋯其咁得閒，做咩唔認真做自己 program?

呢啲人見到鏡就會發狂，呢個病輕則喺對住鏡谷肌擺 pose，重則阻住成個世界，要所有人目光放喺你身上，其實擺 pose 真喺冇問題，上台比賽 (body building) 都喺鬥擺 pose 姐，問題喺做咩迫我做你觀眾？仲要拎部電話閃下閃下，你嚟為咗搵我做佈景板影相定做 gym?

喺人都會有汗味，喺呢個充滿汗水嘅世界，我從來都唔介意大家有汗味，我相信大家都有同樣諗法。不過，汗味還汗味，我好怕個啲喺件衫傳出嚟嘅陳年汗味，件衫著過可以洗一沈先拎出嚟?

以上咁多問題，其實我相信都喺少數「明星」先會咁，正正常常嘅師兄好少會有呢啲問題出現，不過，希望大家去開嘅 gym 愈嚟愈少「明星」啦!