多年前帶台灣到西貢行山（應該係麥徑二段），成段路十幾公里，我只係聽到佢不斷喺到大叫「嘩嘩嘩！嘩嘩嘩！嘩嘩嘩！」究竟係台灣人浮誇定係香港嘅山真係咁靚？其後，呢位台灣朋友喺香港行過唔少山頭，佢總結話，香港山徑嘅優點係：
- 近市區，坐一兩個鐘頭車都到，仲可以行完即日返屋企；
- 大多數山都係臨海，雖然啲山唔算高，但上到山頂都可以眺望大海；
- 山徑設施不俗，指示清晰，想迷路都難。
或者因為咁，所以呢十年八年，無論日本人同台灣人都會專誠嚟香港行山。（強國人都有，此乃另一故事，有緣補充。）台灣有博客「流浪漢越野生活」，最近有篇文章，講佢隻身挑戰麥理浩徑。睇台灣人行麥徑，又確實可知道我哋香港嘅山野，其實絕對唔野少。
呢位台灣朋友就帶晒露營行山裝備，孤身上麥徑。佢話裝備有十六七公斤重。
原來台灣人嚟講，標距柱同求救電話都係新鮮事。
孭咁重上西灣山，佢一定好辛苦。
----- 廣告 Ad -----
他說：「乾巴巴的登山路徑,我穿著重裝用的硬底登山鞋是一大敗筆，除了重之外,地面路感回饋到腳底實在痛得受不了，難怪我看迎面而過的山友都是穿著輕便登山鞋或是運動鞋。」請睇下我以前篇文《行山著跑鞋得唔得?》。
赤徑過夜，欣賞日出。
到第三段了
嗱，佢已經行咗四份一條麥徑啦！不過……點解佢老婆又出現？
----- 廣告 Ad -----
原來佢唔見銀包！要老婆打救佢！佢仲返歸兼報警。佢呢次麥徑之旅，就係咁收場咯。
原文連結：http://tin613.pixnet.net/blog/post/419334598
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。