夏天行山3大注意: 衣著、路線、補給

夏天行山，高溫對人身安全嘅一大威脅，所以事前準備以至出行期間，都有不少事項需要注意:

1. 行山衣著及裝備

快乾衣物質料

建議衣著

• 快乾輕便戶外衣服: 宜穿著具有排汗及防曬功能之衣物，喺炎熱之下仍能維持適當體溫
• 避免棉質衣物: 棉質會大量吸汗，難以快速吹乾。汗水積在衣物裏，會令體溫更難排走
• 禁絕牛仔褲: 牛仔褲以棉質製成，且質料偏向硬身，影響行走，絕對不宜戶外活動穿著。見《新西蘭推廣行山安全 呼籲勿穿牛仔褲行山》

建議裝備

• 太陽帽: 避免太陽直曬頭頂，太陽帽不可少。雨遮亦有效阻檔陽光，令身體降溫。
• 毛巾: 多抹汗有助令身體降溫
• 風褸: 山間天氣多變，炎夏都要帶風褸避免著涼
• 手搖扇: 製造人造風
• 避免使用現成「降溫噴霧」: 呢啲噴霧只係令表皮降溫，唔會降低核心體溫，反而令身體有錯覺。見《行山「神仙水」只是假降溫?》

2. 行山路線

規劃行山路線時，可留意以下幾點:

• 「遮蔽度」: 漁護署官方路線有「遮蔽度」嘅簡介，可揀選多樹蔭之山徑。山徑最高為三塊樹葉，代表路徑廣植大樹，普遍地方都有樹蔭，咁夏天行山唔怕暴曬，行得無咁辛苦。

• 山徑爬升: 火熱天氣時體力消耗較大，須量力而為，可揀選多平路嘅路徑。
• 有溪澗山徑: 天氣太熱，可利用溪澗水降溫，但務必注意，行澗難度比普通山徑為高，需有經驗人士帶領

3. 行山補給

• 食水: 比冬天要帶備更多飲用水，見《行山飲水有學問：帶水．飲水．補水》
• 運動飲料: 排汗多需要補充身體礦物質及電解質，直多令運動飲料。見《運動飲品要點揀? 兩大類別：補水、補能量》
• 定時飲水: 唔好等口渴先飲水，亦唔好只在休息時飲。要定時飲水，避免身體缺水。
• 食物: 可多帶生果、糖果等。甚至能量棒、能量啫喱

行走山徑時注意

除上述三點，夏天行山時亦要留意以下幾點:

• 維持穩定步速，唔好一下提速，令身體加重負荷
• 定時飲水及進食食，避免有身體缺水、低血糖等狀況
• 遇有身體有異常情況 (如出汗太多、心跳過快或過慢、無力、頭腦不清等)，搵個陰涼地方休息

山徑幾時都喺度，若果天氣情況太惡劣，身體狀態不佳，宜盡快撤離。