大帽山茶水亭新增加水站蓮姐有熱水斟

由

2018-12-19

Fitz > 運動 Sports > 行山 Hiking > 大帽山茶水亭新增加水站蓮姐有熱水斟

政府話要喺郊野公園設置飲水機，方便市民斟水行山。不過高鐵、港珠澳大橋都已經通車，但呢項政設施仍然只聞樓梯響，反而大帽山茶水亭蓮姐，就一早已經提供斟水服務。

最近，B字頭嘅礦泉水品牌，就喺郊野以及運動場地設立「加水站」，水機仲有冷水同熱水揀。首批「加水站」早前已喺佐敦京士柏運動場、西貢企嶺下試行，除大帽山外，「加水站」亦會陸續進駐大埔地質教育中心以及旺角朗豪坊，預計2019年將會增加至300部。

而佢哋亦喺大帽山蓮姐嘅茶水亭，設置呢部機，到時大帽山再遇多次百年一遇嘅寒流，大家亦都有熱水飲。

「加水站」由12月17日起兩個月免費。