2018年初，隨住政府實施「汽水機唔賣樽裝水」嘅政策，鍾意操長課嘅山友跑友真係頭痛非常。佢哋好多時都要孭住3、4公升水上身；唔係嘅話，就要被逼買汽水機嘅可樂、檸檬茶，唔環保，亦唔健康。當然，另有啲「高科技」人士會使用濾水器，但搵水源亦唔容易。
好彩，漁護署宣佈喺2019年年底前，會喺郊野公園安裝20部飲用水機。至於設置飲水機嘅地點，署方話會再諮詢遠足人士。大家不妨趁呢個時候多多向署方提出意見啦!
不過，筆者為人比較悲觀，呢20部飲水機，未必可以救到一命：
- 以政府歷年嘅辦事作風，飲水機應該會設置喺有自來水供應 (為了水質安全)、近道路 (方便維修)，和人流集中地方 (增加使用率)。所以，估計設置嘅地方已經有汽水機，甚至小食亭。(如果用上面嘅邏輯，咁大帽山小食亭、水浪窩公廁、城門水塘小巴站都應該係熱門地方) 如果係咁，飲水機嘅作用仲大唔大呢?
- 飲水機唔同廁所嘅洗手盆，唔係識出水就得，大家仲會要佢夠乾淨，先放心放個口去飲水。唔講無良市民/遊客嘅惡意破壞、污染，單係講金山、城門一帶嘅馬騮，署方真係要諗個好方法去避免人猴爭水囉!
資料來源：蘋果日報
Fitz 連結: https://fitz.hk/?p=99151
更多:
Fitz Facebook專頁
東壩小巴線遲遲未開 的士團體從中作梗?
北潭涌 < > 萬宜水庫東壩 專線小巴 諮詢進行中
(Ｎ年前的) 鳳凰山觀元旦日出
[惡出國際] 香港馬騮破壞力 嚇怕外國人
Fitz Hiking 行山
講求綠色、環保、天然的健康生活。推廣新一代健康生活文化。
