呢個年代,個個都識玩裝備,人人著緊身衫緊身褲,腳指襪腳指鞋,鞋又厚底螺旋紋,事前防護十足,但唔代表無事出。行山最驚意外又最忽視意外,小意外手尾長又唔攞命,所大部份人都忽視,除非真係傷到玩唔到,先至死死地氣要去搞。

咁真係意外出事,有咩保險可以平衡風險?遲d就嚟大學畢業先夠資格做保險,所以保障行山人士一樣都可以專業。咁行山做運動最需要係咩保險你又知唔知?

就以毅行者為例,未出發九月已經有單練山練到跌落山坡,原因不外乎體力 (腳軟)、精神 (眼瞓同能見度)、路面 (落雨跣、斜路凹凸不平),09年以前未改賽道尾段跌落引水道時有聽聞,今年轉上最後檢查站都有話跌咗個人落樹林。拗柴、撞傷同擦傷實屬正常。上得報紙,平安嘅叫「輕傷」,唔通挫親尾龍骨對上又同你講咩。

所以,「意外醫療」保險對行山人士嚟講係必須嘅一環,就好似住院保險,唔買唔睇,買咗小小事都睇到清楚明白了解為止。


用途亦好簡單:例如扭傷 (拗柴)

由睇西醫,基本照X光,到往後物理治療/脊醫都全包,視乎你買幾大保額,兩萬蚊港幣實夠使夠用,正常拗柴十次八次物理治療都叫 CEO 級數對待啦。如果無份跟身,最多咪中醫跌打睇幾劑,行到當無事,又有機會成為下次受傷伏線。

當然,講完心都係講金,坊間一般百零蚊一個月就有交易,買對靚襪都唔止啦,山友。



更多:
Fitz Facebook專頁
空手道的麵與飯
[TED TALK有樂] 櫻木再入一萬球都超越唔到流川?
[TED TALK有樂] 「好似唔使做咁」做保險最令人眼紅嘅地方
7大健康飲食生活法則
5種需要推翻的飲食常識

Fitz Life 生活

廣告
熊重任
熊重任 -- TED TALK迷,醉心研究自我管理、運動與心理,工作與動力的課題,希望科學化改善個人生活,亦係一個極愛睇戲嘅算死草保險經紀。