三月份期間,團跑隊員邀請我與她們一齊參加「元朗越野賽21km隊制賽」!

其實跑步已為我人生寫上新一頁,跑左大半年,速度未算快;所以根本無諗過會參加越野賽事,仲要係隊制賽,對我來說好似係好遙不可及嘅事情。

我認識嘅越野賽就係要响山路跑黎跑去–真係又越過高山又越過谷,自問吾係一個斯文嘅人,但跑山真係唔容易!但我竟然吾怕死,一囗應承她們!

曾經與朋友去行山,我都只可以一步步慢慢行,有時仲要朋友協助,幾經辛苦先到達獅子山山頂!

[挑戰越野賽] 體會人生路 1

[挑戰越野賽] 體會人生路 2

到達山頂感覺好似大地在我腳下
到達山頂感覺好似大地在我腳下

至於今次,由正式報名到賽前一晚,第一次因為參與賽事而感到有壓力!隊制賽吾係一個人嘅事,我擔心會拖累我嘅隊友!始終每個人參加比賽嘅目標會吾同,今次我吾可以只為自己負責,只顧享受比賽過程,我知道我需要配合大家!

「烈女.夜遊隊」隊制跑手
「烈女.夜遊隊」隊制跑手

隊友們都知道我缺乏行山、跑山經驗,所以不停支持、鼓勵我,教我選購跑山鞋;跑團隊友在賽事前更發起「賽前試路」,我當然瞓少幾小時都要參與啦!

[挑戰越野賽] 體會人生路 6

[挑戰越野賽] 體會人生路 8

試路線,大家開開心心咁跑吓行吓
試路線,大家開開心心咁跑吓行吓

試路線當日天氣好好,路亦不太難走,即時把我內心壓力減低了。

賽事前一晚,跑友通知元朗區正下著大雨,我最憂慮嘅問題出現了。一向都不怕「雨戰」,渣馬已嘗試過了,平時練跑亦吾介意淋雨,點解今次會擔心?!因為山賽嘅路會比一般馬拉松嘅賽道更難,擔心自己論盡會受傷而影響隊友!所有嘅擔心令我整晚不能好好入睡!

零晨四點半起床準備往元朗出發,天仍下着雨.……點算好?!幸好到達場地時,天氣一直很好,甚至出太陽,上天對我實在太好了!大部分嘅路已乾,水氹亦不算多!

[挑戰越野賽] 體會人生路-8

[挑戰越野賽] 體會人生路-11

亦要多謝男跑友全程刻意放慢自己速度,為的就是照顧我們「女子組」
亦要多謝男跑友全程刻意放慢自己速度,為的就是照顧我們「女子組」

其實山賽比路跑變化較多,每踏出一步都要思考過、避開長滿青苔嘅石塊,但當中過程卻可以欣賞沿途美麗風景,我諗我已愛上這活動!

[挑戰越野賽] 體會人生路-13

[挑戰越野賽] 體會人生路-15

[挑戰越野賽] 體會人生路-14
第一次玩山賽,這個獎牌亦得來不易
有跑手話馬拉松似人生路,既漫長、又有上有落,更會遇到「撞牆」「老抽」,有人會中途離場

我覺得越野賽更加係人生路嘅寫真,路途上會有上有落、迂迴曲折、預計吾到嘅絆腳石、泥氹,雖然要小心翼翼,但每跨一步眼前見到嘅風景都係令人精神為之一振,當然亦會遇上難走嘅路,什至會跌到受傷,越怕就越難行,不如大步向前跨過去,就會見到更好嘅前路

而隊制參賽就係另一種學習,有如工作及家庭,與同事、親人都要互相體諒、幫忙,如果只顧自己感受、表現或推卸責任,只會令整個大家關係更差,所以必須要互相包容、學習、欣賞!

今次賽事令我領悟更多,又一次成功挑戰自己,原來我都可以做到,可以在山路上跑跑跳跳!

更多:
Fitz.hk Facebook專頁
用雙腳跑出人生新一頁
我是 Rain Lady
[狂野行] 0.1至42.195的蛻變
Fitz Running 跑步