[毅行速報] 最後備戰:雨衣、加碳、補給與早訓仲有兩日就係樂施毅行者,我哋希望可以力求完備,講晒所有參加者應該留意嘅事。當然,世事往往未盡人事,正如中國隊不斷射中柱都未能將個波送入龍門一樣……

咁樣啦,講得幾多得幾多啦:

1. 帶雨衣、厚衣
我哋呢幾日都留意天氣預測,估計星期五開始吹季候風,即係話天氣會轉涼,到星期六仲有少少雨。所以,各位毅行者要收拾裝備,就記得加埋禦寒衣物,以及便利雨衣。如果到時發覺天氣不似預期,最多咪交低埋支援隊囉。

最後備戰:雨衣、加碳、補給與早訓2
星期二晚天文台網站的預測

2. 加碳
呢兩日Team Fitz嘅隊員,都不約而同喺facebook貼出加碳相。無可厚非,毅行廿幾三十個鐘,就算有支援隊送飯,都未免無啖好食。而行山始終要消耗大量能量,各位都係趁呢兩日食多啲碳水化合物(如飯、薯仔、香蕉),亦要keep住不斷飲水,避免身體缺水。(尿液越清越好)

Team Fitz隊長許耀斌(Law少)呢幾日不斷加碳
Team Fitz隊長許耀斌(Law少)呢幾日不斷加碳

3. 補給
要與支援隊制訂好清楚的到達時間與食物要求。雖則話當日好難預計確實步速,但講定先,以免令支援隊難做。而食物要求最好確定一下,以免到時要硬啃一啲大家都唔想食嘅嘢。


而Team Fitz當日亦邀請了重量級嘉賓到場支援甚至陪行,請留意我們之後的跟進報道。

這是攝於三年前的毅行者
這是攝於三年前的毅行者

4. 早瞓
唔理大家係咪緊張大師,會唔會起步前失眠,總之呢兩日早啲上床休息。就算心情緊張瞓唔著,都要堅持攤喺床上面闔埋眼。咪諗住瞓唔著就起身呀,記住毅行時你會超過兩日無得瞓,有排你捱呀。

「行到邊,總有夥伴喺身邊」
“Side By Side, Together We Thrive”
Fitz全力支持樂施毅行者2015

#Fitz.hk為樂施毅行者2015媒體伙伴

更多:
[毅行速報] 10個路段 1次剖解
[毅行速報] 最完備的物資裝備清單
[毅行速報] 組織你嘅支援隊
[毅行速報] 最後的備戰階段
毅行者@Fitz.hk
Fitz Hiking 行山

廣告
家聯
為何要運動?去公園看看那些四五歲的小朋友,從跑跑跳跳所得來的喜悅吧!勿忘初衷,運動會令人快樂,難道我們都忘記嗎?