《香港01》報道，九巴早前於新娘潭路及鹿頸路，派出兩部單層巴士測試路面情況，回覆有關查詢更直指，由於275R乘客量上升，正研究延長路線以鹿頸為總站。不過，因為道路較為狹窄，呢條安排將會為特別班次。
鹿頸線多行4公里
275R線於1997年投入服務，原本由大埔墟站至新浪潭，2020年2月路線延長至烏蛟騰。如今若再延長至鹿頸，比起烏蛟騰就會多行約4公里。
275R延線至烏蛟騰後，一定程度上解決了周末遊客眾多，專線小巴未能負荷嘅壓力。而同樣周末時經常大排長龍嘅鹿頸，亦有望巴士線幫手疏導人流。
巴士測試喺呢個路口掉頭
不過，呢條新開嘅鹿頸巴士線，亦有可能帶來以下問題:
----- 廣告 Ad -----
- 新娘潭路鹿頸一帶頗為狹窄，經常有私家車聚集，巴士要掉頭比烏蛟騰更難
- 巴士路線長咗4公里，意味住如果要維持過往班次，就要派出更多巴士行駛；亦即係話，新娘潭路會更繁忙。
- 巴士直達烏蛟騰、鹿頸，有機會令遊客進一步增加，附近郊遊設施係咪負荷得到? 情況令人擔憂。
早前九巴亦表示計劃開設直達萬宜東壩路線，拓展郊區巴士線，到底係好事定壞事? 恐怕將來香港郊野會有更多翻天覆地嘅改變。
資料: 香港01
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。