網絡流傳圖片，見台灣一名大學生登上南投能高南峰，拎住山頂標高版做出不雅動作，點知鏡頭一轉，下張圖就係佢落山時墜落幾十米深坡，要call救護員救援。
帖主留言話:「動作猥褻有可能惹怒冥冥之中……」
負責救援的南投消防局證實，早前有人墜下70米山崖，並由佢哋救出，但就拒絕證實事主係咪呢名大學生，只係呼籲民眾行山要注意安全，更要愛護山林環境，以及人工設施。
台灣民眾普遍尊重傳統，登山亦有禁忌多多。佢哋會視標高柱為山上神明，唔可以亂搞。早前有 KOL 穿著性感衣著行山，雙腳仲踩住山頂標高柱，就被網民大肆批判。所謂「靈異事件，信則有，不信則無」，筆者唔係鼓吹迷信，愛護山徑設施，其實只係尊重大自然。
----- 廣告 Ad -----
女藝人林采緹
新聞來源: 三立新聞
永誠
講求綠色、環保、天然的健康生活。推廣新一代健康生活文化。