戒茂斯山
全球受到疫症威脅，跨國旅遊大致停頓，不過台灣就因疫情減退，出現「報復性登山」現象，登山旅遊成為熱潮。最近，網上流傳一個台灣境內登山團，團費高達98,000台幣 (約26,000港幣)，被稱為「貴婦登山」。
4日行程包括露營
旅行團目的地係台東縣海端鄉「戒茂斯山」，山高2501米，係原住民布農族聚居地。呢座山之所以熱門，皆因佢喺通往「天使的眼淚」嘉明湖嘅路線之上。不過，登山團並無去嘉明湖嘅行程，4日行程大致如下:
----- 廣告 Ad -----
Day 1: 自行抵達台東集合地點 (自費由所在地前往台東)
Day 2: 約6小時行山，晚宿於野生帳幕
Day 3: 野溪旁上瑜珈課、攝影課 (早午晚餐點自行野炊)
Day 4: 看當地藝術家作品，就結束行程 (自費乘車返家)
呢個登山團出街後，即時引來網民反響。事關台灣人工比香港低，平均月薪徘徊50,000台幣，一個行山團旅費98,000台幣，相等於唔少人兩個月人工。此外，登山團要瞓營幕及野外煮食，未免太過物非所值。
不過咁，呢個登山團係由文青系園藝所與潮流網站合辦，仲有好多達人同行，只要支持者心甘情願課金，旁人又無咩好講嘅。唔知海洋公園嘅「森度遊」，露營又會唔會收返個天價呢?
資料: CN西恩
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。